“हिंदोळा – कविता

हळव्या प्रेमावर विश्वास असणाऱ्या प्रत्येकासाठी …

हिंदोळा (मराठी कविता संग्रह) (भाग १५)

“समर्पण”

न चुकता नेहमीच काढतोस तू,

जेव्हा वेळ माझ्यासाठी.

लकेर सुखद अंतरात माझ्या,

तेव्हा उमटते तुझ्यासाठी.

विनातक्रार समजून घेतोस तू,

जेव्हा चुका माझ्यासाठी.

आर्त प्रिती हृदयात माझ्या,

तेव्हा उमलते तुझ्य्साठी.

न लपविता कडवट सत्ये तू,

जेव्हा सांगतोस माझ्यासाठी.

विचार आधाराचा मनात माझ्या,

तेव्हा रुजतो तुझ्यासाठी.

निरागस आणाभाका प्रेमाच्या तू,

जेव्हा घेतोस माझ्यासाठी.

भावना समर्पणाची काळजावर माझ्या,

तेव्हा कोरते तुझ्यासाठी.

– प्रशांत सिनलकर

पुस्तके व अधिक वाचण्यासाठी – http://www.pragandh.wordpress.com

“हिंदोळा – कविता – समर्पण”